Goolhayaha kooxda Liverpool, Alisson Becker, ayaa qiray inuu aad u tabay saaxiibkiisii hore ee Mohamed Salah, balse wuxuu si hoose u sheegay in kooxda ay hore u socotay ka dib bixitaankii xiddiga reer Egypt.
Isagoo la hadlayay ESPN Brasil, Alisson wuxuu sheegay in Liverpool ay keentay ciyaartoy cusub oo tayo leh, isla markaana safka kooxdu uu haatan yahay “mid aad u wanaagsan.”
Wuxuu sidoo kale tusaale u soo qaatay xulka qaranka Brazil oo iyaguna galay xaalad dib-u-dhis ah ka dib markii uu Neymar ka fariistay ciyaaraha heerka qaran, isagoo xusay in taagerayaashu ay mar walba xiiso u qabi doonaan xiddigaha noocaas oo kale ah.
Mohamed Salah ayaa ka tagay Anfield ka dib 9 sano oo uu kooxda u safatay, isagoo noqday xiddiga 3-aad ee ugu goolasha badan taariikhda Liverpool iyadoo uu dhaliyay 257 gool. Wuxuu ku guuleystay 8 koob oo waaweyn.
Wuxuu si xor ah ugu biiray kooxda Trabzonspor ee dalka Turkey, halkaas oo uu horey uga dhigay rikoor isagoo dhaliyay 7 gool, sameeyayna 3 caawin kaliya 7 kulan oo Super Lig ah.
Liverpool ayaa dhankeeda dib u xoojisay safkeeda weerarka markii ay la saxiixatay Bradley Barcola oo kaga yimid PSG iyo Victor Muñoz oo ay ka soo iibsatay Osasuna.