Kooxda Man United ayaa xasuuq ba’an u gaysatay kooxda Barnsley kulan ka tirsanaa tartanka Carabao Cup-ka.
Erik Ten Hag ayaa shaxda ku soo galay xiddigaha aan sida joogtada ah ugu ciyaarin kooxda kulamadii hore ee xilli ciyaareedka.
Man United ayaa si dar-dar leh ku bilaabatay ciyaarta iyaga oo doonayay in ay dhaliyaan goolal wakhti hore ah.
Xiddiga Marcus Rashford ayaa dhaliyay goolka 1-aad daqiiqadii 16-aad waxana uu hogaanka u dhiibay kooxdiisa.
Man United ayaa sii waday dadaalada waxana daqiiqadii 36-aad goolka u dhaliyay xiddiga Antony kaas oo ciyaarta ka dhigay 2/0.
Xiddiga Alejandro Garnacho ayaa daqiiqadii 45-aad dhaliyay goolka 3-aad ee kooxdiisa isaga oo ciyaarta ka dhigay 3/0.
Qaybtii dambe ayay Man United sii waday weerarada iyaga oo u muuqday kuwo doonayay doonayay in ay badiyaan goolasha.
Daqiiqadii 49-aad ayuu xiddiga Alejandro Garnacho dhaliyay goolka 4-aad ee kooxdiisa isaga oo ciyaarta ka dhigay 4/0.
Marcus Rashford ayaa daqiiqadii 58-aad dhaliyay goolka 5-aad waxana uu ciyaarta ka dhigay 5/0.
Kooxda Man United ayaa dhamaystirtay Nus-darsinka goolasha iyada oo uu Christian Eriksen dhaliyay goolka 6-aad ee kooxdiisa.
Xiddiga Christian Eriksen ayaa dhaliyay goolka 7-aad ee kooxdiisa isaga oo ciyaarta ka dhigay natiijo waali ah oo ah 7/0.
Waxa sidaas ku dhamaatay ciyaarta oo ay Man United xasuuqday Barnsley
Be the first to comment