Real Madrid ayaa maanta oo Sabti ah soo gabagabeeyay diyaar-garowgooda kulanka ay berri oo Axad ah la ciyaarayaan Girona, taasoo qeyb ka ah wareega 14-aad ee horyaalka La Liga, waxaana lagu ciyaari doonaa garoonka Montilivi.
Sida ay baahisay shabakadda “COPE” ee Spain, tababarka kooxdu maanta waxaa ka maqnaa David Alaba, Dean Huijsen, Raul Asencio, iyo Dani Carvajal.
Dhanka kale, tababarka maanta waxaa ka soo muuqday Antonio Rüdiger, Franco Mastantuno, iyo Éder Militão, kuwaas oo la filayo inay diyaar u noqdaan kulanka berri.
Real Madrid ayaa hoggaaminaysa jadwalka La Liga iyadoo leh 32 dhibcood, hal dhibic ayeyna kaga horreysaa Barcelona, halka Girona ay ku jirto kaalinta 18-aad oo leh 11 dhibcood oo keliya.
Be the first to comment