Xulka Qaranka Cameroon Oo Guul Ku Bilowday Koobka Qaramada Qaarada Africa.

Xulka qaranka Cameroon ayaa guul ku bilowday koobka Qaramada qaaarada Africa iyaga oo garaacay xulka Burkina Faso kulan xiiso lahaa.

Labada xul ayaa si dar-dar leh ku bilowday ciyaarta iyaga oo mid walba dhankiisa raadinayay sidii ay u dhalin lahaayeen goolka ugu horeeya ee tartanka sanadkan.

Xulka Burkina Faso ayaa nasiib u yeeshay in ku hor maraan goolka iyaga oo daqiqiadii 24-aad u dhaliyay xiddiga Gustavo Sangare kaas oo xulkiisa u dhiibay hogaanka.

Laakiin Xulka Cameroon oo dhulkiisa lagu ciyaarayo ayaa laba jibaaray dadaalkii ay ku doonayeen in ay ku dhaliyaan goolka bar-baraha.

Xulka Cameroon ayaa laba rikoodhe helay 5 daqiiqo gudohood waxana u dhaliyay xiddiga Vincent Aboubakar kaas oo xulkiisa hogaanka ugu dhiibay 5 daqiiqo gudohood.