Xiddig U Ciyaara Arsenal Oo Uu Soo Gaadhay Dhaawac Halis Ah & Mikel Arteta Oo Ka Warbixiyay.

Xiddiga weerarka uga ciyaara Arsenal ee Gabriel Martinelli ayaa mar kale garoomada ka maqnaan doona muddo aad u dheer kadib markii uu dhaawac halis ah ka soo gaadhay Kulankii Newcastle ee Sabtidii.

Xiddiga reer Brazil ayaa ku bilowday shaxda Arsenal kulankii FA Cup-ka ee Newcastle laakiin ku dhaawacmay kulankaas.

Shabakada Sky Sport ayaa sheegaysa in uu Gabriel Martinelli mari doono baadhitaan 24-ka saac ee soo socda si loo ogaado xaalada Xiddiga.

Laakiin tababaraha kooxda Arsenal ee Mikel Arteta ayaa ka cabsi qaba war aad u xun oo uga soo baxa xaalada xiddiga.

“Waan ka Naxay, waxa aan joogay Xafiiskayga ka hor kulanka mid ka mid a shaqaalaha caafimaad ayaana ii yimid isaga oo ii sheegay ay kuraantu barartay, aad ayuu u ooyayay waxana uu dareemayay xanuun dara, waxa aan sawiranayaa in uu yahay dhaawac xun laakiin waan sugi doonaa waxa dhaca”ayuu Arteta yidhi kadib kulankii Newcastle.

Be the first to comment

Leave a Reply

Your email address will not be published.


*