Difaacii hore ee Chelsea, Wayne Bridge, ayaa sheegay in Arsenal ay “cadaadis badan saareen naftooda” tartanka horyaalka Premier League kadib markii ay ka reebeen qaar ka mid ah ciyaartoydooda waajibaadka xulalka qaranka.
Kabtanka Arsenal, Martin Odegaard, iyo Eberechi Eze ayaa seegay final-kii Carabao Cup oo ay kaga adkaadeen Manchester City.
Intii lagu jiray fasaxa ciyaaraha caalamiga ah, ugu yaraan 10 ciyaaryahan ayaa ka baxay kulamadii xulalkooda iyagoo sheegay dhaawacyo kala duwan.
Waxaa ka mid ah:
- Gabriel Magalhaes
- William Saliba
- Jurrien Timber
- Declan Rice
- Bukayo Saka
- Noni Madueke
- Piero Hincapie
- Leandro Trossard
- Martin Zubimendi
Dhanka kale, hal ciyaaryahan oo kaliya ayaa ka soo laabtay waajibaadka xulalka ee Manchester City iyo Liverpool.
Bridge ayaa yiri isagoo ka hadlayay barnaamijka “The Dressing Room”:“Waxaad ogtahay waxa ugu xun? Waxaan dareemayaa inay hadda iyagu naftooda cadaadis badan saareen.”
Wuxuu sii raaciyay:“Waxaan u maleynayaa in horyaalku dhamaaday, laakiin haddii ay lumiyaan kadib wixii ay sameeyeen, waxay u muuqan doontaa mid ka sii xun.”
Be the first to comment