Suuqa Kala Iibisga ayaa si Rasmi ah u furan saxiixyada ayaana si is daba joog ah oo dhamaystirayaa.
Inkasta oo inta badan xiddigaha kubada cagta ku mashquulsan yihiin tartamada Copa America iyo Euro 2024 hadana waxa jira saxiixyo la dhamaystirayo.
Hadaba warbixintan waxa aan ku soo bandhigi doonaa saxiixyada lagu dhawaaqi karo ama la dhamaystiri karo todobaadkan.
Michael Olise -> Bayern Munich:
Bayern Munich ayaa ku dhow inay ku dhawaaqdo saxiixa Michael Olise ka dib markii garabka Crystal Palace uu doortay inuu u saxiixo kooxda reer Germany iskana diiday Chelsea iyo Manchester United.
Joshua Zirkzee -> AC Milan ama Man Utd:
Joshua Zirkzee ayaa lala xiriirinayay inuu ka tagayo Bologna, waxaana wararkii ugu dambeeyay ay sheegayaan in Milan ay heshiis shaqsi ah la gaartay weeraryahanka.
Man United ayaa sidoo kale doonaysa saxiixa xiddiga waxana ay diyaar u yihiin in ay bixiyaan lacagta lagu bur-burin karo heshiiskiisa.
Marc Guiu -> Chelsea:
Da’yarka Barcelona Marc Guiu ayaa qarka u saaran inuu u saxiixo Chelsea iyada oo kaliya dhimantahay ku dhawaaqista heshiiska.
Wariye Fabrizio Romano ayaa shaaca ka qaaday in da’yarka uu si dhaqsi ah ugu biiri doono kooxda ka dhisan Galbeedka London.
De Ligt -> Man United:
Matthijs de Ligt ayaa laga yaabaa inuu ku sii jeedo Man Utd usbuucan ka dib markii ay soo warantay Sky Germany in Red Devils iyo Bayern Munich ay wadahadalo ku aadan heshiiska ciyaaryahankii hore ee Ajax.
Khephren Thuram -> Juventus:
Inkasta oo ay la soo saxiixatay Douglas Luiz, Juventus ayaa hadana doonaysa xiddiga kooxda Nice ee Thuram.
Juventus ayaa ku dhow inay dhameystirto heshiiska ay kula soo wareegayso xiddiga reer Frane.
Be the first to comment