WARBIXIN: Diaz, Traore & Saxiixyada Ilaa Haatan La Dhamaystiray Suuqa January

Suuqa January  aay si Rasmi ah u furmay kooxaha kala duwan ee reer yurub bilaabaayaan sidii ay u xoojin lahaayeen kooxohooda qaybta dambe ee xilli ciyaareedka.

Kooxaha kala duwan ee reer yurub ayaa suuqa u gali doona sidii ay u heli lahaayeen xiddigaha ay u arkaan kuwo xoojin kara kooxooda qaybta dambe ee xilli ciyaareedka.

Hadaba sidii caadad ahayd kooxda.com ayaa idiin soo gudbin doonta liiska saxiixyada dhaca maalinta ugu horaysa ilaa dhamaadka suuqa.

Halkan Hoose Kaga Bogo Liiska saxiixyada ilaa haatan dhacay ee suuqa January:

Luis Diaz -> Liverpool:

Kooxda Liverpool ayaa si Rasmi ah u xaqiijisay in ay dhamaystirtay saxiixa xiddiga Luis Diaz kaas oo ay kala soo wareegtay kooxda Fc Porti.

Xiddiga 25 jirka ah ayaa qalinka ku duugay heshiis wakhti fog ah oo 5 sano ah isaga oo noqday saxiixii ugu horeeyay ee ay Liverpool samaysay suuqa January.

Adama Traore -> Barcelona

Kooxda Barcelona ayaa xaqiijisay saxiixa xiddiga garabka ciyaara ee Adama Traoré kaas oo ay kala soo wareegtay kooxda Wolves.

Barcelona ayaa xiddiga Adama Traoré kula soo wareegtay heshiis 6 bilood oo amaah ah iyaga oo dookh u haysata in ay qaab toos ah ula wareegto xagaaga.

Dusan Vlahovic -> Juventus:

Juventus ayaa si rasmi ah u xaqiijisay inay la soo wareegtay xiddigii hore ee kooxda Fiorentina Dusan Vlahovic.

22 jirkaan weerarka uga ciyaara Serbia ayaa qaab ciyaareed cajiib ah ku jira xilli ciyaareedkan, isagoo dhaliyay 17 gool 21 kulan oo Serie A ah xilli ciyaareedkan intii uu joogay kooxdiisii hore iyada oo uu qaab ciyaareedkiisu soo jiitay kooxo badan oo reer yurub ah.

Juventus ayaa noqotay kooxda ku guulaystay saxiixiisa iyaga oo ku garaacay kooxda Arsenal kuwaas oo aad u doonayay saxiixa xiddiga weerarka ciyaara.

Robin Gosens -> Inter Milan

Kooxda Inter Milan ayaa si Rasmi ah u xaqiijisay in ay dhamaystirtay saxiixa xiddiga daafaca Robin Gosens kaas oo ay kala soo wareegtay kooxda Atalanta.

Inter Milan ayaa Robin Gosens kula soo wareegtay heshiis amaah ah ilaa dhamaadka xilli ciyaareedkan ka hor inta ayna qaab toos ah ula wareegin.

Kieran Trippie -> Newcastle United

Kooxda Newcastle United ayaa xaqiijisay saxiixa Kieran Trippie kaas oo ay kala soo wareegtay kooxda Atletico Madrid oo uu joogay muddo 2 sano ah.

Kieran Trippie ayaa si weyn loola xidhiidhinayay Kooxaha Man United iyo Arsenal kuwaas oo doonayay saxiixiisa si ay ugu xoojiyaan kooxdooda.

Philippe Coutinho -> Aston Villa:

Kooxda Aston Villa ayaa Si Rasmi ah u xaqiijisay in ay dhamaystirtay saxiixa xiddiga Philippe Coutinho kaas oo ay kala soo wareegtay kooxda Barcelona.

Philippe Coutinho ayaa Aston Villa ugu biiray qaab amaah ah isaga oo u ciyaari doona kooxda Inta ka dhiman xilli ciyaareedkan.

Dani Alvaes -> Barcelona:

Kooxda Barcelona ayaa Alves la soo saxiixatay bilo ka hor furitaanka suuqa January iyaga oo dib u soo ceshaday xiddigeedii hore kaas oo bilaa koox ahaa isaga oo qaab xor ah ugu soo biiray.

Ferran Torres -> Barcelona:

Barcelona ayaa u muuqata kuwo ay ka go’antahay in ay dib u dhis weyn ku sameeyaan kooxda waxana ay dhamaystireen saxiixa xiddiga Ferran Torres kaas oo ay kala soo wareegeen kooxda Man City.

Torres ayaa qalinka ku duugay heshiis ilaa 2027 ah oo uu ku joogi doono kooxda Barcelona isaga oo noqday saxiixii ugu horeeyay ee ay lacag ka bixiso kooxda Barcelona suuqa January.