Kabtanka Slovakia Milan Skriniar ayaa aaminsan in xulkiisu ay samayn karto lama filaan weyn Euro 2024 ayna garaaci karto England wareega 16ka.
Kulamada wareega 16-ka ayaa bilaabmi doona Sabtida iyada oo xulka England la ciyaari doono xulka Slovakia Axada.
Dhinaca qiimaynta, xulka England ayaa ugu cad-cad in ay garaacaan xulka Slovakia laakiin xulka Saddexda Libaax ayaa si weyn u dhibaatoonayay kulamadii wareega Group-yada.
Slovakia ayaa dhinaca kale ku jirtay qaab ciyaareed fiican iyaga oo ka badiyay Belguim isla markaas si fiicana u ciyaaray.
Marka hore, daafaca dhexe ee PSG ayaa sheegay in cadaadiska dibadda ee England uu keeni karo inay burburaan: “Xitaa ciyaartii ugu horeysay [1-0 ay kaga badiyeen Serbia] si fiican uma ciyaarin kaliya waxa ay heleen natiijada”.
“Saxaafadda iyo taageerayaashu [waxay ahaayeen kuwo dhaleeceeyay] ciyaarahooda, sidaas darteed waxay la kulmi doonaan cadaadis aad uga badan annaga taasina faa’iido ayay noo tahay anaga”.
“Fikradayda, waxay ku tiirsan yihiin tayada shaqsiga ah, waxayna og yihiin inay haystaan ciyaartoy go’aamin kara kulammada”ayuu sii raaciyay.
“aasi waa sababta aan u malaynayo in aan iyaga garaaci karno”ayuu sii raaciyay.
Be the first to comment