
Halyeeyga Arsenal, Thierry Henry, ayaa kula taliyay kooxdiisii hore in ay u dhaqaaqdo weeraryahan suuqa kala iibsiga ciyaartoyda xagaagan.
Arsenal ayaa ku dhameysatay xilli ciyaareedkii 2024/25 iyadoo aan wax koob ah heysan.
Gunners ayaa doonaysa in ay la soo wareegto weeraryahan cusub oo ay xoojiso kooxda tababare Mikel Arteta suuqan xagaagan.
Kooxda ka dhisan Waqooyiga London ee Premeir League ayaa lala xiriiriyay xiddigo ay ka mid yihiin Viktor Gyokeres, Victor Osimhen iyo Liam Delap.
Si kastaba ha ahaatee, Henry ayaa doonaya in Arsenal ay u dhaqaaqdo saxiixa xiddiga Julian Alvarez kaas oo uu sheegay in uu jecelyahay.
“Anaga [Arsenal] waxaan u baahanahay No. 9, mid ka mid ah weeraryahanada aan ugu jecelahay waa Julian Alvarez,” Henry ayaa ku yiri The Overlap’s Stick to Football.
“Sida uu u ciyaaro, waan jeclahay isaga, laakiin waa suurtogal [in Arsenal ay la soo saxiixan karto]? Ma garanayo.”
Be the first to comment