Halyeeyga Arsenal, Thierry Henry ayaa muujiyay farxad ka dib markii uu daawaday Inter Milan lugta labaad ee semi-finalka Champions League ay la ciyaartay Barcelona.
Henry ayaa u mahad celiyay labada kooxood sidii wacneyd ee ay ku soo bandhigeen garoonka San Siro.
Xusuuso in Inter ay 4-3 ku garaacday Barcelona si ay ugu soo baxdo finalka isku cel celis ahaan 7-6.
Isagoo ka hadlayay ciyaarta ka dib, Henry, weeraryahankii hore ee Barcelona, ayaa yiri”“Waan ku caajisay daawashada kubada cagta hal ama labadii sano ee la soo dhaafay, waan caajisay”
“Kulankii Inter Iyo Barca waa sababta aan u jeclahay kubada cagta, waana sababta aan dhamaanteen u jecelnahay kubada cagta, tani waa waxa aan rabno inaan aragno, waxaan dooneynaa inaan aragno kooxo is weeraraya”.
Be the first to comment