Szoboszlai Oo Liverpool Ku Hogaamiyay Guul Ay Ka Gaadheen Arsenal.

Liverpool ayaa guul muhiim ah ka gaaray Arsenal kadib markii ay 1-0 kaga badiyeen ciyaar ka dhacday garoonka “Anfield” taasoo qayb ka ahayd wareega 3-aad ee horyaalka Premier League xilli ciyaareedka 2025-2026.

Goolka kaliya ee ciyaarta waxa dhaliyay xiddiga Szoboszlai daqiiqaddii 83-aad ee qeybtii labaad, kadib markii uu si cajiib ah u dhaliyay laad xor ah oo aanu ka jawaabi karin goolhayaha Isbaanishka ah David Raya.

Kooxda casaanka ah waxay muujiyeen qaab ciyaareed dheelitiran, iyagoo ku tiirsanaa cadaadis sare iyo weerarro degdeg ah marka ay kubadda helaan, halka Arsenal ay isku dayeen inay ciyaarta dib ugu soo laabtaan iyadoo weerarkoodu sameeyay fursado, balse difaaca adag ee uu hoggaaminayay Van Dijk iyo goolhaye Alisson ay fashiliyeen dhammaan isku dayadaas.

Guushan ay Liverpool gaartay ayaa ka dhigtay inay helaan 9 dhibcood premier league kadib 3 kulan ay ciyaareen halka Arsenal ay ku sii nagaatay 6 dhibcood taasoo hoos u dhigtay tartankooda ku aaddan hoggaanka.

 

Be the first to comment

Dhiibo Fikirkaaga