Kooxda reer Talyaani ee AC Milan ayaa si rasmi ah ugu dhawaaqday inay si xor ah kula soo wareegtay xiddiga reer Croatia ee Luka Modrić, waxaana ay ka saxiixdeen heshiis ilaa xagaaga 2026.
Modric ayaa sidoo kale haysta hal sano oo dookh ah oo uu kooxda Ac Milan kula joogi doono ilaa xagaaga 2027.
Modric, oo 38 jir ah, ayaa ku biiray Milan ka dib waayihiisa ciyaareed ee quruxda badnaa ee Real Madrid, halkaas oo uu ku noqday ciyaaryahankii ugu koobabka badan taariikhda isaga oo kooxda u ciyaaray wax ka badan 597 kulan.
Modric waxa uu kula guuleystay 6 koob oo Champions League ah, 5 koob oo kooxaha adduunka ah, 5 European Super Cups, 4 Spanish League, 2 Spanish King’s Cups, iyo 5 Spanish Super Cups.
Modric ayaa kooxda Rossoneri u xiran doona lambarka 14-aad, waana tallaabo taariikhi ah oo ay kooxdu ku doonayso inay dib ugu soo laabato tartamada yurub.
Be the first to comment