Ciyaaryahanka heerka caalami ee dalka Brazil Rafinha ayaa shaaca ka qaaday sirta ah inuu xilli ciyaareedkaan wacdaro ka dhigayo kooxda Barcelona ka dib markii uu ku bilowday qaab ciyaareedkiisii ugu fiicnaa kooxda reer Catalonia.
Rafinha ayaa dhaliyay 6 gool waxaana uu sameeyay 6 caawin 11 kulan oo tartamada kala duwan xilli ciyaareedkan Barcelona, taasoo ah bilaabashadiisii ugu wacneyd tan iyo markii uu labo sano ka hor kaga soo biiray kooxda England Leeds United.
Rafinha ayaa ku yiri”Hadda waxaan ku guda jiraa mid ka mid ah waqtiyadii ugu fiicnaa xirfadeyda, waxaana aaminsanahay in waqtigii aan ku qaatay Barcelona ay iga caawisay inaan la qabsado xilli ciyaareedkan”.
Wuxuu intaas ku daray: “Ma raaco waxa la iga sheegayo baraha bulshada, waxaan diirada saaraa kaliya kooxdeyda iyo horumarinta kulan kasta, shaqadu waa jawaabta ugu fiican ee wax walba.”
Isaga oo ka hadlaya beddelka booskiisa: “Lix bilood ka hor, uma furnaadeen arintan laakiin tababarka iyo la qabsiga booskaas, waxaan la dhacay tilmaamaha Flick, waxaana naftayda u sheegay in haddii aan u ciyaaro Barcelona ama Brazil. , waa inaan la qabsado boos kasta.”
Waxa uu hadalkiisa sii raaciyay: “Kama aanan aqbalin Flick markii hore, waxaan dareemay raaxo badan booskeyga asalka ah, laakiin hadda waxaan dareemayaa fikir fiican oo booska khadka dhexe ee weerarka”.
Be the first to comment