Paul Merson ayaa sheegay in Chelsea ay u badan tahay in ay haysato kooxda ugu xoogan Premier League ka hor kulanka ay la ciyaari doonaan Tottenham.
Khabiirka kubadda cagta oo ah taageere Blues ah ayaa Chelsea ku taageeray in ay garaacdo Tottenham kulanka todobaadkan.
Chelsea ayaa xilli ciyaareedkan ku jirta qaab ciyaareed cajiib ah iyada oo xitaa dadka qaar u arkaan kuwo u tartamaya horyaalka premier League.
Blues ayaa hadda ku jirta kaalinta 2-aad ee kala saraynta horyaalka Premier League-ga – waxa ay ka sarraysaa Arsenal iyo Manchester City – iyada oo kooxda Maresca ay 7 dhibcood ka hoosayso Liverpool.
Chelsea ayaa kooxdeeda ku haysata ciyaartoy heer sare ah oo uu ku jiro Cole Palmer kaas oo sameeyay 9 gool iyo lix caawin 14 kulan oo uu ciyaaray xilli ciyaareedkan.
Isagoo ka hadlayay kulanka Merson ayaa u sheegay Sportskeeda: “[Chelsea] waxay haysataa koox wanaagsan, malaha waa kuwa ugu xoogan Premier League”.
“Laakiin waxa ay la ciyaareen Arsenal, Manchester City iyo Liverpool xilli ciyaareedkan waxa ay qaateen hal dhibic oo kaliya. Taasi waa sababta aysan ugu tartamayn horyaalka”.
Be the first to comment