Saxiixa cusub ee kooxda Manchester United Patrick Dorgu ayaa shaaca ka qaaday in qaab ciyaareedka macalinka kooxda Man United ee Ruben Amorim uu ugu qanciyay inuu ku biiro kooxda.
Dorgu ayaa ku soo biiray Man United suuqii January isaga oo kaga soo biiray kooxda Lecce.
Ciyaaryahanka heerka caalami ee dalka Denmark oo 20 jir ah ayaa lagu qiimeeyay mid ka mid ah ciyaartoyda ugu wanagsan Serie A, isagoo ka soo dhaqaaqay kooxda Denmark ee Nordsjaelland isagoo 17 jir ah.
Wareysigiisii ugu horreeyay ee uu siiyay warbaahinta kooxda, Dorgu wuxuu Manchester United ku tilmaamay “koox weyn” iyo “kooxda ugu weyn England”, ka hor inta uusan u gudbin inuu la dhacsan yahay Amorim iyo qaab ciyaareedkiisa.
“Runtii waxaan rajeynayaa inaan la shaqeeyo maamulaha cusub, Ruben,” ayuu daaha ka qaaday.
“Waxaan dareemayaa in tani ay si aad ah iigu habboonaan doonto, marka aad ayaan ugu faraxsanahay inaan halkaan joogo, waxaan maqlay kaliya waxyaabo wanaagsan oo isaga ku saabsan.”
Be the first to comment