“Ole Out” Taageerayaasha Man United Oo Dalbaday In La Caydhiyo Ole Gunnar Solskjaer Kadib Guuldaradii Leicester City.

Kooxda Man United ayaa dhexda ka gashay masiibo kale xilli taageerayaasha Man United dalbadeen in shaqada laga caydhiyo tababare Ole Gunnar Solskjaer kadib guuldaradii Leicester City.

Kooxda Man United ayaa ka hadhay tartanka FA Cup-ka kadib markii ay guuldaro kala kulantay kooxda Leicester City taas oo keentay in uu xaalku ku sii xumaado kooxda Man United.

Man United ayaa wakhti fiican ku jirtay qaybtii xlli ciyaareedkan laakiin Man United ayaa ka hadhay 2 ka mid ah koobabka ay u tartamaysay iyaga oo haatan kaliya u tartamaya Europa leageu oo kaliya.

Kadib guuldaradii 3/1 ahayd ee ka so gaadhay Leicester City taageerayaasha Man United ayaa isugu soo baxay bogga Twitter-ka iyaga oo dalbaday in shaqada laga caydhiyo tababare Ole Gunnar Solskjaer.

Taageerayaal badan ayaa baraha bulshada ku soo bandhigay niyad jabkooda iyaga oo dalbaday in shaqada laga caydhiyo tababaraha dhamaadka xilli ciyaareedkan.

“Ma lumin kartid Semi-final kale hadii aanad gaadhinba, Ole hala caydhiyo”ayuu taageere ku soo qoray.

Taageere kale ayaa qoray”Waxa aan ku fashilanay koob kale, Ole hala caydhiyo”ayuu sii raaciyay.

“Fadlan kooxdayda ka saara Ole”ayuu sii raaciyay mid kale.

Be the first to comment

Leave a Reply

Your email address will not be published.


*