Ole Gunnar Solskjaer Oo Kashifay Waxa Ay Man United U Baahantahay In Ay Garaacdo Liverpool Kulanka Caawa.

Tababaraha Kooxda Man United ee Ole Gunnar Solskjaer ayaa hoosta ka xariiqay waxa ay kooxdiisu u baahantahay si ay caawa u garaacdo kooxda Liverpool kulanka FA Cup-ka.

Labada kooxood ayaa caawa isaga hor iman doona Old Trafford todobaad ka dib markii ay bar-baro galeen kulan premier League ah Axadii hore.

Liverpool ayaan badin 5-tii kulan ee ugu dambeyay ee horyaalka premier League sidaas darteed United ayaa ugu cad-cad in ay guul gaadho kulanka caawa.

Laakiin Ole Gunnar Solskjaer ayaa rumaysan in ay kooxdiisu muhiimada siiso dhamaystirka fursadaha si ay u garaacdo kooxda Liverpool.

Ole Gunnar Solskjaer oo arintaas ka hadlaya ayaa yidhi”Waan weerari doonaa mar walba oo aan kubada haysano”.

“Waxa aan doonaynaa in aan horay u socono waliba guul gaadhno kadib bar-barihii Anfield”.

“Waxa aan garaaci karnaa Liverpool hadii aan ka faa’iidaysano fursadaha aan helno waliba dhamaystirno”ayuu sii raaciyay.

Be the first to comment

Leave a Reply

Your email address will not be published.


*