Mikel Arteta Oo Haatanba Calaamadsaday Xiddig Daafaca Kaga Garab Ciyaari Doona Ben White.

Arsenal ayaa qarka u saaran inay dhameystirto saxiixa Ben White ka dib markii ay heshiis 50 milyan euro ah la gaareen Brighton.

Inkasta oo ay joogaan xiddigo daafaca dhexe ku fiican hadana Gunners ayaa xiddiga 23 jirka ah ka dhigaysa saxiixooda xagaagan iyada oo uu Mikel Arteta doonayo in uu ku xoojiyo daafaciisa.

Iyada oo uu David Luiz isaga tagay kooxda sidoo kale amaah lagu diray William Saliba Arteta ayaa Ben White u calaamadsaday daafaca uu doonayo in uu ku xoojiyo kooxdiisa.

Ben White ayaa daafaca dhexe ee Arsenal kula tartami doona xiddigaha Rob Holding, Calum Chambers, Pablo Mari & Gabriel Magalhaes xilli ciyaareedka cusub.

Laakiin sida laga soo xigtay wargayska The Times Tababaraha Arsenal ayaa haatanba go’aansaday in uu dookhiisa 1-aad ee daafaca xilli ciyaareedka dambe ka dhigto xiddigaha Ben White iyo Gabriel.

Sii Akhriso: Ma Jirtaa In Aad Kala Fogtihiin Qofka Aad Jeceshahay, Ma Doonaysaa In Aad Jacaylkiina Noolaysiin, 6-dan Wad Ayaa Kaa Caawinaysa.

Be the first to comment

Leave a Reply

Your email address will not be published.


*