Maxaa Ka Jira In Uu Andrea Onana Ka Tagayo Man United?

Khabiirka kala iibsiga kubadda cagta, Fabrizio Romano, ayaa meesha ka saaray suurtogalnimada goolhaye Andre Onana ee Manchester United uu ka tago kooxda si uu qaab amaah ah ugu biro kooxda Premier League ee West Ham United.

Sida uu sheegay Romano, imaanshaha goolhayaha Royal Antwerp, Senne Lammens, ee Manchester United ma aha mid micneheedu yahay in Onana uu ka tagi doono Old Trafford xagaagan.

Onana ayaa lala xiriirinayay inuu ka tago Red Devils iyadoo Manchester United ay raadinayso Lammens.

Goolhayaha reer Cameroon, Onana, ayaa wajahaya dhaleeceyn weyn tan ilaa markii uu yimid kooxda sanado ka hor.

Onana ayaa sameeyay khaladaad dhibco ka lumiyay kooxdiisa Man United intii uu joogay kooxda taas oo shaki galisay mustaqbalkiisa kooxda.

Be the first to comment

Dhiibo Fikirkaaga