Man United a lagu soo waramayaa in ay tallaabo u qaaday saxiixa Goolhayaha kooxda Aston Villa ee Emiliano Martínez ka hor maalinta ugu dambaysa suuqa kala iibsiga xagaaga.
Waxa maalinta bari si Rasmi ah u xidhmi doona suuqa kala iibsiga xagaaga iyada oo kooxduhu dadaal ugu jiraan sidii ay u samayn lahaayeen saxiixyo.
Sida laga soo xigtay Fabrizio Romano, kooxda Man United ayaa heshiiska shaqsiga ah la gaadhay Goolyaha kooxda Aston Villa ee Emiliano Martínez.
Man United ayaa suuqa ugu jirta Goolhaye cusub iyada oo kooxdu khaati ka taagantahay khaladaadka Goolhaye Andrea Onana.
Romano ayaa sheegay in Man United saacadaha ka dhiman suuqa kala iibsiga ay doonayso in ay la soo saxiixato Goolhaye Emiliano Martínez.
Be the first to comment