Manchester United ayaa lagu soo waramayaa in lagu wargeliyay inay la timaado dalab 80 milyan hadii ay doonayso saxiixiisa daafaca dhexe ee Everton Jarrad Branthwaite inta lagu guda jiro suuqa kala iibsiga xagaagan.
21-sano jirkaan, oo loo magacaabay xulka hordhaca ah ee England ee Euro 2024, ayaa ku riyaaqay xilli ciyaareedkii 2023-24 ee kooxdiisa Merseyside
Branthwaite ayaa 41 kulan u saftay tartamada oo dhan kooxda Sean Dyche, oo ay ku jiraan 35 kulan oo Premier League ah, wuxuuna ka caawiyay Toffees inay badiso shan ka mid ah siddeedii kulan ee ugu dambeeyay horyaalka xilli ciyaareedkan.
Xiddiga ayaa lala xidhiidhinayaa kooxo badan Oo ay ka mid yihiin Newcastle iyo Real Madrid.
Wararka ayaa Sheegaya in ay Man United diyaar u tahay in ay bixiso 55 milyan Oo Euro si ay u hesho saxiixiisa xiddiga
Si kasta ha ahaatee kooxda Everton ayaa u sheegatay Man United in ay bixiso lacag 80 milyan ah hadii ay doonayso saxiixiisa xiddiga.
Be the first to comment