Manchester United ayaa si cad u sheegtay in ay diyaar u tahay in ay iska iibiso Jadon Sancho ka hor dhamaadka suuqa kala iibsiga laakiin waxa ay doonayaan in ay qiimo cadaalad ah ku helaan xiddiga garabka ka ciyaara.
Wakhtigii adkaa ee Man United ayaa soo dhamaan kara ka hor dhamaadka suuqa kala iibsiga xagaaga jimcaha soo socda.
Xiddiga garabka ka ciyaara ayaa la filayaa in uu isaga tago kooxda waxana lala xidhiidhinayaa kooxda chelsea.
Sida laga soo xigtay BBC Sport, Man United ayaa diyaar u ah in ay iska iibiso xiddiga reer England ka hor inta uuna xidhmin suuqa xagaaga.
United ayaa si kasta ha ahaatee uga digtay chelsea in ay xiddiga ku iibin doonto qiimaha ay doonayso una aragto mid lagu qanci karo.
Sancho ayaa qaab ciyaareed cajiib ah ku soo bandhigay Dortmund qaybtii dambe ee xilli ciyaareedkii hore halkaas oo uu amaah ku qaatay.
Be the first to comment