Manchester United ayaa horay usii wadaysa soo xerogalinta weeraryahan cusub xagaagan.
Red Devils ayaa horay u qarash gareysay in ka badan 125 milyan oo euro ka hor xilli ciyaareedka cusub.
Matheus Cunha ayaa ka yimid Wolves horraantii suuqa kala iibsiga xagaaga ka hor inta uuna Bryan Mbeumo ku soo biirin kooxda isniintii.
Labada ciyaaryahan ayaa dhaliyay isku darka 35 gool ee Premier League xilli ciyaareedkii hore.
Dhanka kale, weeraryahanada dhexe ee United ayaa soo maray olole adag iyadoo Rasmus Hojlund iyo Joshua Zirkzee ay ku dhibtoonayeen qaab ciyaareedkooda.
Natiijo ahaan, Amorim ayaa weli suuqa ugu jira weeraryahan cusub iyada oo in ka badan bil ilaa suuqa kala iibsiga uu xirmayo.
Kooxda Man United ayaa ugu yaraan diyaarsatay 7 weeraryahan inta uu furanyahay suuqa kala iibsiga xagaagan.
Kooxda Man United ayaa u dhaqaaqaysa midkood saxiixa xiddigaha Benjamin Sesko, Nicolas Jackson, Ollie Watkins, Dominic Calvert-Lewin iyo Aleksandar Mitrovic.
Be the first to comment