Kooxda Premier League, Manchester United ayaa isku diyaarineysa in ay dalab ka gudbiso saxiixa Goolhayaha kooxda Botafogo ee John Victor si uu ugu bedelo goolhayaha dhaawacan, Andre Onana.
Red Devils ayaa durba wadahadalo la qaadatay goolhayaha Aston Villa Emi Martinez xagaagan, waxaana xiddiga reer Argentina uu doonayaa inuu u dhaqaaqo Old Trafford.
Laakiin kooxda Ruben Amorim ayaan diyaar u ahayn inay bixiyaan lacagta 40 milyan ee ay doonayso Aston Villa.
Natiijo ahaan, Man United ayaa suuqa xagaaga ugu jirta goolhaye cusub sababtoo ah Onana qaab ciyaareedkiisa aan joogtada ahayn tan iyo markii uu kooxda kaga soo biiray 2023 Inter Milan.
Onana ayaa seegi doona bilowga xilli ciyaareedka cusub sababtoo ah dhaawac muruqa ah oo uu dhawaan soo gaaray.
Si kastaba ha ahaatee, sida laga soo xigtay Goal Brazil, Man United ayaa hadda u sheegtay Botafogo inay diyaar u tahay inay bixiso lacagta 6 milyan ee lagu bur-burin Karo heshiiskiisa
Be the first to comment