Kooxda Ma City ayaa iska xaadirisay Final-ka tartanka FA Cup-ka kadib markii ay garaaceen kooxda chelsea kulan ka dhacay Wembley.
Chelsea ayaa ahayd kooxda fiican dhinaca fursadaha xilli ay City kaliya ku ekayd maamulista ciyaarta.
Blues ayaa heshay fursado badan oo ay ku dhalin kartay goolka furitaanka laakiin weerarkeeda ayaa ku fashilmay in ay ka faa’iidaystaan.
Waxa bar-baro gool la’aan ah ku dhamaatay qaybtii hore inkasta oo ay Chelsea u qalantay in ay dhaliso goolal marka la eego fursadaha ay heleen.
Qaybta dambe ayay City u muuqatay kuwo ka fiican sidii qaybtii hore iyaga oo helayay fursado ay ku doonayeen goolal.
Kooxda Man City ayaa daqiiqadii 84-aad dhalisay goolka 1-aad ee ciyaarta waxana u dhaliyay xiddiga Bernardo Silva kaas oo hogaanka u dhiibay kooxdiisa.
Waxa sidaas ku dhamaatay ciyaarta oo ay kooxda Man City iska xaadirisay Final-ka tartanka FA Cup-ka xilli ciyaareedkan.
Be the first to comment