Paul Merson wuxuu aaminsan yahay in hal koox ay “dhibaato ku keeni doonto Arsenal” iyadoo ay sii wadaan dadaalkooda ay ku doonayaan inay ugu dambayn ku guuleystaan Premier League-ka mar kale.
Gunners-ka ayaa noqday kuwa ugu cadcad hanashada horyaalka kadib markii ay afar dhibcood ka sarreeyeen kooxda ku xigta, kaddib guushii Axaddii ay ka gaareen Crystal Palace.
Intaa waxaa dheer, kooxaha waaweyn ee tartanka kula jira sida Liverpool, Manchester City iyo Chelsea ayaa dhibco luminaya, iyadoo dad badan — oo uu ku jiro Gary Neville — ay hubaan in xilli ciyaareedkan uu Mikel Arteta ugu dambayn ku qaadi doono koobka.
Dhamaan tartamada, Arsenal waxay badisay 11 ciyaarood oo ka mid ah 13, iyagoo kaliya seddex gool laga dhaliyay, waxaana kaliya dhaawac u ahaa guuldarradii 1-0 ee Liverpool iyo barbaraha 1-1 ee Man City.
Si kasta ha ahaatee waxa ay ciyaari doonaan bil adag iyaga oo ciyaari doona kulamo ay ka mid yihiin Chelsea, Tottenham Iyo Bayern Munich oo ay la ciyaari doonaan champions League.
Laakiin Merson ayaa tilmaamay kulan soo socda oo kale oo uu sheegay inuu noqon karo mid aad ugu adag kooxdiisii hore, waana kulan uu markii hore u malaynayay inuu noqon doono guul sahlan.
“Markii aan dhawaan arkay jadwalka cayaaraha Arsenal, waxaan is iri waxay haystaan kulan fudud oo isdaba joog ah,” ayuu halyeyga Gunners ku qoray tiirkiisa Sky Sports.
“Laakiin, dhowr toddobaad gudahood, Sunderland waxay siin doonaan ciyaar aad u adag marka lagu ciyaarayo garoonka Stadium of Light. Sunderland waxay Arsenal ku keeni doonaan dhibaatooyin”
“Waxay yihiin koox jidheed ahaan xoog badan oo xawaare leh. Si fiican ayay isu diyaariyeen oo abaabulan yihiin, waxayna si degdeg ah ugu weeraraan marka ay difaacaan. Sidoo kale waxay sameeyaan go’aanno sax ah marka ay weerarka rogaal celiska ah sameynayaan, iyagoo dooranaya baasaska saxda ah. Ma aysan lumin kubbadda markii ay haysatay”
“Aad baan uga helay qaab ciyaareedkooda Stamford Bridge, waana inaad tiraahdaa way badbaadeen. Way aad u fiicnaayeen.”
Be the first to comment