Kooxda Liverpool ayaa guul ay u qalantay ka gaadhay kooxda Brighton kulan ka dhacay Anfield ka tirsan horyaalka premier League.
Kulanka ayaa ah mid ay Brighton si dar-dar leh ku bilaabatay ciyaarta iyaga oo doonayay in ay dhaliyaan goolal.
Daqiiqadii 2-aad ayay Brighton heshay wixii ay doonaysay waxana goolka u dhaliyay xiddiga Danny Welbeck kaas oo ciyaarta ka dhigay 1/0.
Liverpool ayaa wixii intaas ka dambeeyay ciyaarta maamulkeeda la wareegay iyaga oo ka fiican kooxda Brighton.
Daqiiqadii 27-aad ayay Liverpool dhalisay goolka bar-baraha waxana u dhaliyay xiddiga Luis Diaz kaas oo ciyaarta ka dhigay 1/1.
Qaybtii dambe ayay Liverpool Ku fiicnayd wax walba iyaga oo ka awood badnaa Brighton oo ciyaaraysay weeraro rogaal celis ah.
Daqiiqadii 65-aad ayay Liverpool dhalisay goolka 2-aad waxana u dhaliyay Mohamed Salah kaas oo ciyaarta ka dhigay 2/1.
Waxa sidaas ku dhamaatay ciyaarta oo ay Liverpool guul 2/1 ah ka gaadhay kooxda Brighton sidaasna hogaanka premier League kula wareegtay qaab ku meel gaadh ah.
Be the first to comment