Daafaca dhexe ee kooxda Real Madrid, Antonio Rudiger ayaa saadaaliyay kulan “adag” ah marka ay Los Blancos ku wajahdo Paris Saint-Germain semi-finalka koobka FIFA Club World Cup ee dalka Mareykanka.
Labada kooxood ayaa iska xaadiriyay wareega 4 dhamaadka sabtidii kadib markii ay garaaceen Bayern Munich iyo Borussia Dortmund.
Real Madrid ayaa 3-2 kaga badisay Dortmund, halka PSG ay 2-0 ku badisay Bayern Munich.
Labada kooxood ayaa haatan ku soo laaban doona garoonka MetLife Arbacada si ay u wada ciyaaraan kulan ka tirsan semi-finalka.
Isagoo hadlayay ka dib markii Real Madrid ay garaacday Dortmund, Rudiger ayaa wareysigiisii ciyaarta ka dib ku yiri: “PSG waa koox aad iyo aad u adag.
“Waxay [PSG] muujiyeen inay ka mid yihiin kuwa ugu fiican Yurub qaab ahaan, waxayna noqon doontaa kulan adag”.
“Laakiin waxaan nahay Real Madrid, waxaana u diyaarsannahay kulanka”.
Be the first to comment