Erik ten Hag ayaa laga yaabaa inuu Jurgen Klopp kula biiro RB Leipzig iyadoo tababarihii hore ee Manchester United laga yaabo inuu bedelo Marco Rose.
Ten Hag ayaa koox la’aan ahaa tan iyo markii uu ka tagay Old Trafford dhamaadkii bishii October, iyadoo Ruben Amorim uu bedelay.
Tababaraha reer Holland, oo qandaraas cusub u saxiixay xagaagan, ayaa lagu qasbay inuu ka tago shaqada horaantii xilli ciyaareedka 2024-25, sabab la xidhiidha natiijo xumaanta kooxda xilli ciyaareedkan.
Si kastaba ha ahaatee, Khabiirka Sky Germany ee Patrick Berger ayaa haatan sheegay in Ten Hag uu dhawaan heli karo koox cusub maadama uu ku jiro liiska RB Leipzig ee badalka Rose.
Kooxda Bundesliga ka dhisan ayaan wax guul ah gaarin lixdii kulan ee ugu dambeysay tartamada oo dhan, taasoo ay ku jirto guuldaro 5-1 ah oo ay gurigooda kala kulmeen Wolfsburg isbuucii hore.
Be the first to comment