Xidigii hore ee khadka dhexe ee kooxda Tottenham Jamie O’Hara ayaa aaminsan in Bukayo Saka aanu ahayn mid heer caalami ah waxana uu ka hormariyay xiddiga garabka uga ciyaara kooxda chelsea ee Cole Palmer.
Saka ayaa mar kale door ka ciyaaraya tartanka ay Arsenal ugu jirto premier League waxana uu ku bilowday si cajiib ah xilli ciyaareedkan isaga oo dhaliyay 3 gool halka uu caawiye ka noqday 7 kale.
Dhanka kale, Palmer, ayaa sii wada qaab ciyaareed cajiib ah waxana uu haatanba dhaliyay 6 gool premier League.
O’Hara ayaa sheegay in Palmer iyo xiddiga Barcelona ee Lamine Yamal ay ka fiicanyihiin xiddiga Arsenal ee Bukayo Saka.
“Bukayo Saka ma ahan heer caalami”ayuu O’Hara yidhi.
“Waa ciyaaryahan weyn oo ka tirsan koox aad u wanaagsan, laakiin hadii aan eego Cole Palmer iyo Lamine Yamal Way ka fiicanyihiin Saka wayna ka heer sareeyaan”ayuu sii raaciyay.
Be the first to comment