Hordhac: Switzerland vs Cameroon: Libaaxyada Aan Daalin Ma Rumayn Doonaan Riyada Samuel Eto’o

Xulka Switzerland ayaa la ciyaari doona xulka Cameroon kulan xiiso leh oo ka dhici doona garoonka Al Janoub Stadium kulan ka tirsan Group-a G.

Xulka Switzerland ayaa doonaya in ay guul ku bilowdaan tartanka koobka adduunka isla markaas dhaafaan xulka matalaya qaarada Africa.

Dhinaca kale Cameroon oo uu Halyeeygooda Samuel Eto’o u saadaaliyay in ay ku guulaystaan koobka adduunka sanadkan ayaa doonaya in ay muujiyaan kalsoonida Halyeeygoodu ku qabo.

Kulanka: Switzerland Vs Cameroon

Tartanka: Koobka Adduunka

Wakhtiga: 1:00

Garoonka: Al Janoub Stadium

XAQIIQOOYINKA KULANKA:

Kulankan ayaa noqon doona midkii ugu horeeyay ee ay xulalka Switzerland iyo Cameroon ku kulmaan koobka adduunka sidoo kale waa markii 2-aad ee uu xulka Switzerland la ciyaaro xul ka soo jeeda Africa kadib markii ay sanadkii 2006 la ciyaareen xulka Togo.

Switzerland ayaa u soo baxday koobka adduunka markii 12-aad halka ay sidoo kale markii 5-aad oo xidhiidh ah ay u soo bexeen koobka adduunka.

Xulka Switzerland ayaan wax guuldaro ah la kulmin kulankood furitaanka 5-tii kulan ee ugu dambeeyay ee ay ciyaareen kobka adduunka.

Xulka Switzerland ayaa ka mid ah 3 xul oo reer yurub ah oo gaadhay Wareega bug baxa mid kasta oo ka mid ah 4-tii tartan ee ugu waaweynaa koobka adduunka iyo tartanka euro-da.

 

Be the first to comment

Leave a Reply

Your email address will not be published.


*