Erling Haaland ayaa lumiyay fursad uu ku jabin lahaa rekoodhka Cristiano Ronaldo ee kulamadii ugu yaraa ee loo baahnaa si uu 100 gool u dhaliyo hal koox.
Ciyaaryahanka heerka caalami ee dalka Norway ayaa arbacadii soo galay kulankii Inter isaga oo dhaliyay 99 gool 103 kulan oo uu ciyaaray waxana uu u baahnaa hal gool si uu u jabiyo Rikoodhkii Ronaldo ee 100 gool uu ku dhaliyay 105 kulan oo uu u saftay Real Madrid.
Si kasta ha ahaatee waxa uu ku fashilmay in uu gool dhaliyo waxana uu haatan kaliya la bar-barayn karaa Ronaldo hadii uu dhaliyo gool kulanka premier League ee Arsenal Maadama uu noqon doono kulankiisii 105-aad uu u ciyaaray Man City.
Xiddiga reer Norway ayaa wacdaro ka dhigaya premier League isaga oo dhaliyay 9 gool 5 kulan oo uu u ciyaaray Man City.
Xiddiga Haaland ayaa hogaaminaya gool dhalinta premier League waxana uu doonayaa in uu bar-bareeyo Ronaldo Axada.
Be the first to comment