Xidigii hore ee Manchester United, Gary Neville, ayaa talo u soo jeediyay tababaraha Arsenal, Mikel Arteta in uu xiddiga dhaawacan ee Bukayo Saka ku badalo Noni Madueke kaas oo dhaawacan.
Saka wuxuu ka maqnaan doonaa ciyaarta Premier League ee Arsenal ee ka dhici doonta Anfield todobaadka soo socda, kadib markii uu dhaawac ka soo gaaray intii lagu jiray guushii 5-0 ee ay ka gaareen Leeds United.
Neville wuxuu aaminsan yahay in Madueke, oo Arsenal uga soo biiray Chelsea, uu u baahan yahay inuu beddelo dhinacyada garoonka oo uu ku bilaabo booska Saka ee axadda, marka ay la ciyaarayaan kooxda Arne Slot.
“Aniga ahaan, Eze ayaa ku ciyaari doona dhinaca bidix, waxaanan u maleynayaa in [Viktor] Gyokeres uu weerarka hore ka ciyaari doono,” ayuu Neville u sheegay Sky Sports.
“Runtii, waxaan u maleynayay in marka Saka uu ka baxay garoonka oo Madueke uu u guuray dhinaca midig, isla markiiba uu Madueke u muuqday inuu gurigiisa ku jiro.”
“Markaa waxaan u maleynayaa inaad haysato Madueke dhinaca midig, Gyokeres oo weerarka hore ah, iyo Eze dhinaca bidix.”
Be the first to comment