Ciyaaryahankii hore ee khadka dhexe ee Arsenal, Emmanuel Petit, ayaa sheegay in Gunners aysan ku guuleysan karin horyaalka Premier League xilli ciyaareedkan.
Halyeeyga reer France ayaa sheegay in ay ku adkaan doonto Arsenal in ay ku guulaysato horyaalka inkasta oo ay xiddigo cusub la soo wareegtay xagaagan.
Mikel Arteta ayaa Arsenal ku hogaamiyay in ay kaalinta 2-aad ku dhamaysato 3-dii xilli ciyaareed ee ugu dambeeyay laakiin taageerayaasha Gunners ayaa aaminsan in kooxdu ay ku guulaysan doonto horyaalka xilli ciyaareedkan sabab la xidhiidha xoojinta xagaagan.
Petit ayaa u sheegay AS, “Saxiixyada cusub, sida Viktor Gyökeres iyo Martín Zubimendi, wali waa inay la qabsadaan qaab ciyaareedka Arteta.
“Waxay noqon doontaa mid aad u adag, aniguna kuma qancin si kastaba.”
Petit, oo sidoo kale u soo ciyaaray Chelsea Premier League, ayaa ku booriyay Arteta inuu la soo wareego ciyaartoy badan oo garbaha ka ciyaara ka hor inta uusan xirmin suuqa kala iibsiga.
“Saka aad ayuu u go’doonsan yahay dhanka midig, Ødegaard waa kubadsameeyaha kaliya ee dhabta ah, waxay bedeleen kuwii baxay, laakiin wali ma haystaan kayd fiican”.
Be the first to comment