Waxa xidhan suuqa kala iibsiga xagaaga laakiin kooxaha ayaa isku diyaarinaya suuqa January oo furmi doona bilo kadib.
Kooxaha ayaa sii samayn doona wadahadalo ay wadada ugu furayaan suuqa kala iibsiga January.
Hadaba halkan waxa aan ku soo bandhigi doonaa wararkii ugu dambeeyay ee suuqa kala iibsiga.
Liverpool ayaa indhaha ku haysa xiddiga garabka uga ciyaara Bayern Munich ee Leroy Sane si uu u noqdo badalka Mohamed Salah hadii uu si xor ah uga tago kooxda xagaaga dambe (Fichajes).
Inkasta oo ay xagaagii ku fashilantay, Arsenal ayaa kalsooni ku qabta in ay ku guulaysan doonto tartanka loogu jiro weeraryahanka RB Leipzig Benjamin Sesko (CaughtOffside).
Weeraryahanka Brentford Bryan Mbeumo ayaa xiiso ka helaya kooxaha Arsenal, Aston Villa, Liverpool, Manchester City iyo Newcastle United (HITC).
Paris Saint-Germain iyo Bayern Munich ayaa labaduba kula biiray Real Madrid Tartanka saxiixa daafaca dhexe ee Arsenal William Saliba (Caughtoffside).
Manchester United ayaa u dhaqaaqday saxiixa 21 jirka Sevilla Juanlu Sanchez, kaasoo sidoo kale ay dooneyso Real Madrid (ABC Sevilla).
Erling Haaland ayaa Man City ka codsaday in heshiiskiisa lagu xidho lacag lagu bur-burin karo 120 milyan oo euro xilli uu wadahadalo heshiis cusub kula jiro kooxda (El Nacional).
Arsenal ayaa hor istaagi doonta isku day kasta oo ay kooxda reer Turkey ee Galatasaray ku doonayso saxiixa xiddiga khadka dhexe ee Jorginho ka hor inta uuna xidhmin suuqa kala iibsiga ee dhamaadka todobaadkan (talkSPORT).
Ciyaaryahanka kale ee khadka dhexe ee Gunners, Thomas Partey, ayaa xiiso ka helaya kooxaha Atletico Madrid, Barcelona iyo Juventus ka dib markii uu galay sannadkii ugu dambeeyay ee qandaraaskiisa (Caughtoffside).
Manchester United ayaa isha ku haysa xiddiga Brighton & Hove Albion ee Lewis Dunk, waxaana laga yaabaa inay isku dayaan inay keenaan Old Trafford bisha January (Fichajes).
Liverpool ayaa laga yaabaa inay u dhaqaaqdo Jonathan Tah xagaaga soo aadan, iyadoo daafaca uu shaaca ka qaaday inuusan heshiis cusub u saxiixi doonin Bayer Leverkusen (SZ).
Reds ayaa sidoo kale isha ku haysa in ay u dhaqaaqdo saxiixa xiddiga Crystal Palace ee Adam Wharton waxana laga yaabaa in ay 20 jirkan keento January (Football Insider).
Manchester City ayaa sidoo kale xiiseyneysa Wharton si ay uga dhigto bedelka Rodri (Daily Mail).
Real Madrid ayaa dajisay qorshe ay kula soo saxiixanayso daafaca Liverpool iyo xulka qaranka England ee Trent Alexander-Arnold kadib markii ay ku fashilantay in ay xado saxiixiisa xagaagan (Fichajes).
Arsenal ayaa xiiso u qabta xiddiga Bayern Alphonso Davies laakiin waxa ay tartan adag kala kulmi doontaa Real Madrid hadii ay doonayso in ay u dhaqaaqdo (HITC).
Gunners ayaa laga yaabaa inay la xiriirto kooxda Athletic Club ee Nico Williams bisha January, iyagoo raadinaya garabka bidix ee cusub (GiveMeSport).
Barcelona ayaa isha ku haysa in ay u dhaqaaqdo labada xiddig ee reer Germany ee Joshua Kimmich iyo Jonathan Tah marka ay noqdaan wakiilo xor ah xagaaga dambe (Mundo Deportivo).
Be the first to comment