Qaab ciyaareedkii fiicnaa ee Cole Palmer ayaa sii socda kadib markii uu bar-bareeyay rikoodh ay dhigeen Halyeeyada kooxda kadib guushii ay 5/0 uga badiyeen west Ham.
Xiddiga reer England ayaa dhaliyay goolka 1-aad ee kooxdiisa isaga oo sii waday wacdarihii uu ka dhigayay premier League.
Goolkii uu Palmer dhaliyay goolkiisii 21-aad ee premier League halka uu caawiye ka noqday 9 kulan oo kale waxana uu noqday xiddigii 2-aad ee 30 gool ku lug lahaada xilli ciyaareedkiisa ugu horeeya ee Chelsea.
Sidoo kale xiddiga 21 jirka ah ayaa bar-bareeyay rikoodh ay dhigeen Halyeeyada Frank Lampard & Didier Drogba
Frank Lampard & Didier Drogba ayaa haystay rikoodhka goolasha ugu badan ee xilli ciyaareed laga dhaliyay garoonkooda premier League.
Palmer ayaa rikoodhkaas bar-bareeyay kulankii West Ham waxana uu jabin doona rikoodhkaas hadii uu gool ka dhaliyay Bournemouth.
Be the first to comment