Kooxda Arsenal ayaa gaartay guul muhiim ah kaddib markii ay 3–0 ku garaacday Sunderland kulan ka tirsanaa wareegga 25-aad ee Premier League, kaas oo lagu ciyaaray garoonka Emirates.
Daqiiqaddii 42-aad: Arsenal ayaa hoggaanka qabatay kadib markii Martin Zubimendi uu dhaliyay gool qurux badan oo uu ka tuuray bannaanka xerada ganaaxa, kubbadda oo ku dhacday birta una gashay shabaqa.
Daqiiqaddii 66-aad: Viktor Gyökeres ayaa dhaliyay goolka labaad, kaddib kubbad uu ka helay gudaha xerada ganaaxa, isagoo si awood leh u dhaliyay gool, caawin ka timid Kai Havertz.
Daqiiqaddii 93-aad: Gyökeres ayaa mar kale shabaqa gaaray, isagoo dhaliyay goolkiisa labaad ee kulanka kana dhigay 3-0.
Guushan kaddib, Arsenal waxay gaartay 56 dhibcood, iyagoo ku fadhiya hoggaanka horyaalka, kana sareeya Manchester City 9 dhibcood (si ku meel gaar ah). Dhanka kale, Sunderland dhibcihiisu waxay ku hakadeen 36, iyagoo ku jira kaalinta 8-aad.
Be the first to comment