Kooxda Arsenal ayaa bar-baro niyad jab leh la gashay kooxda Fulham kulan ka tirsanaa premier League.
Arsenal ayaa kulanka soo gashay iyaga oo doonaya in ay soo yareeyaan dhibcaha ay ka dambeeyaan kooxda Liverpool.
Kooxda Fulham ayaa daqiiqadii 11-aad dhalisay goolka furitaanka waxana u dhaliyay weeraryahanka Raul Jimenez.
Arsenal ayaa maamulaysay ciyaarta Laakiin waxa ay si weyn ugu dhibaatotay in ay tijaabiso goolka fulham.
Waxa sidaas ku dhamaatay ciyaarta oo ay kooxda Arsenal maamulayso laakiin ay ku dhibaatoonayso in ay gool dhaliso.
Qaybtii dambe ayay kooxda Arsenal si dar-dar leh ku bilaabatay ciyaarta iyaga oo doonayay in ay dhaliyaan goolal.
Kooxda Fulham ayaa doonaysay in ay ilaashato goolka ay ku hogaaminayso ciyaarta waxana u diideen Arsenal in ay goolal dhaliso.
Laakiin Daqiiqadii 52-aad ayay Kooxda Arsenal dhalisay goolka bar-baraha waxana u dhaliyay daafaca dhexe ee William Saliba.
Be the first to comment