Arne Slot Oo Ka Fal Celiyay Hadalkii Mohamed Salah.

Tababaraha Liverpool, Arne Slot, ayaa ka soo muuqday shir jaraa’id oo uu kaga hadlayay kulanka maanta ee ay la ciyaarayaan Inter, kulankaas oo ka tirsan wareegga 6aad ee Champions League, kana dhici doona garoonka Giuseppe Meazza.

Wuxuu hadalkiisa ku bilaabay isagoo ka jawaabaya waxa uu Mohamed Salah uga jeeday hadalladiisa ee uu ku sheegay inuu dareemayo in kooxda ay “hoos u dhigtay”:
“Qofka keliya ee awood u leh inuu taas ka jawaabo waa Salah laftiisa. Ma u malaynayo in ay sax tahay inaan ka hadlo arrintan waqtigan. Aad ayey u adag tahay inaan ogaado cidda uu ula jeedo hadalkiisa. Haddii ciyaaryahan hadallo intaas le’eg uu sheego, aniga—anigoo ah tababare iyo annagoo ah koox—waa inaan ka falcelinnaa. Waxaad arkaysaa inuusan hadda nala joogin. Waa xaq uu u leeyahay inuu sidaas dareemo, laakiin ma aha xaq uu ugu baahdo inuu la wadaago warbaahinta—ama aan nidhaahno wuu leeyahay xaqa, laakiin markaas annagaa u baahan inaan xaaladda la tacaalno.”

Wuxuu intaas ku daray isagoo ka hadlaya in xiriirkooda uu burburay iyo in kale:
“Waxaan u sheegnay inuusan safarka nala imaan doonin. Taasi waxay ahayd habka keliya ee aan hadda ugu wada xiriirnay. Dabcan, ka hor kulankii Sabtida, aad ayaan ula hadlay… mararka qaar muddo dheer, mararka qaar gaaban. Adigu ma u malaynaysaa in xiriirku burburay? Taasi anigu sidaas uma dareemayo. Laakiin isaga waxaa u bannaan inuu sida uu rabo u dareemo. Aniga shakhsiyan waxba kamaan dareemin… ilaa fiidkii Sabtida, marka la hubiyo inaanan ciyaarsiin. Waa wax caadi ah in ciyaartoygu necebaan tababaraha marka aan la ciyaarsiin, laakiin wuxuu muujiyay ixtiraam weyn oo ku wajahan shaqaalaheyga iyo saaxiibadiis, wuxuuna si xoog leh u tababartay. Sidaas darteed waxaa ii ahayd wax layaab leh inaan maqlo hadalladiisa kulanka kadib. Sidaan horaba u iri, tani ma aha markii ugu horreysay ama tii ugu dambeysay ee ciyaaryahan hadallo noocaas ah yiraahdo marka uusan ciyaarin.”

Wuxuu sii watay hadalkiisa:
“Salah ma ciyaarayaa kulanka Brighton? Hadda waxaan fariisanay xilli aan u diyaargarowno kulan aad u weyn. Waxay kaliya ka soo wareegtay 36 saacadood tan iyo barbardhacii 3-3 ee Leeds. Waxaan diiradda saarayaa diyaarinta kooxda si ugu fiican. Marka uu dhamaado kulanka berri, dib ayaan u qiimayn doonaa xaaladda. Anigu mar walba waxaan aaminsanahay in ay jirto fursad uu ciyaaryahan kastaa ku soo laaban karo.”