Xiddiga reer France ee Kylian Mbappé ayaa la sheegay inuu ka fiirsan karo mustaqbalkiisa Real Madrid, iyadoo warbixinno ay tilmaamayaan inuu kooxda ka tagi karo sanadka 2027 haddii uusan ku qanacsanayn xaaladdiisa iyo jihada kooxda.
Wariye Daniel Riolo oo ka tirsan warbaahinta Faransiiska ee RMC ayaa sheegay in Mbappé uu ka tagi karo Madrid haddii uusan helin kooxda uu doonayo.
Dhanka kale, wariye Pepe Estrada ayaa barnaamijka El Chiringuito ku sheegay in tababare José Mourinho uu wada hadal toos ah la yeeshay Mbappé xilli ay quraacdeen Talaadadii. Sida uu Estrada sheegay, Mourinho wuxuu Mbappé ku yiri: “Dibadda waan kaa difaaci doonaa, laakiin halkan kuma difaaci doono.”
Waxaa sidoo kale isa soo taraya doodaha ku saabsan dadaalka iyo mudnaanta Mbappé, iyadoo wariye Josep Pedrerol uu sheegay in xiddiga reer France uu bilaabay inuu luminayo taageerada qaar ka mid ah taageerayaasha Real Madrid.
Real Madrid ayaa warbixinta lagu sheegay inay isku diyaarinaysay kulanka Villarreal ee garoonka Santiago Bernabéu, iyadoo markaas kaalinta afraad kaga jirtay La Liga, kuna lahayd 15 dhibcood.