Liverpool ayaa aad u rabta inay guulal kale ka gaaraan xilli ciyaareedkooda labaad ee Arne Slot uu hogaaminayay waxana doonayaan ay meel fog ka gaadhaan tartanka champions League.
Kooxda ugu fiican xilli ciyaareedkii hore Champions League ee wareega hore waxay ahayd Liverpool.
Si kastaba ha ahaatee, Reds-ka ayaa ka baxay tartanka wareega 16-ka kooxood kadib guuldarro xanuun badan oo rikoodhayaal ah oo ay kala kulmeen Paris Saint-Germain, kuwaasoo ugu dambeyntii ku guulaystay koobka.
Laakiin kooxda difaacaneysa horyaalka Premier League ayaa diyaar u ah inay soo laabtaan si ay ugu soo celiyaan xamaasad. Kadib xagaag ay ku kharash gareeyeen lacag badan, iyadoo ay ka badan yihiin kooxaha kale ee Yurub, Reds-ka oo si weyn loo xoojiyay ayaa hadda u muuqda kuwo aad u awood badan.
Liverpool ma dhaafin wareega Quarter-final-ka champions League tan iyo markii ay gaareen finalka xilli ciyaareedkii 2021–22. Xilli ciyaareedkan, waxaa la filayaa inay dhaafaan oo ay waliba ku guulaystaan tartanka.
Halkan waxaa ku jira aragti ku saabsan kooxaha Liverpool ay la ciyaari karto wareega ugu horeeya ee tartanka iyada oo isku aadka la samaynayo khamiista.
Reds ayaa bilaabi doona safarkooda Yurub xilli ciyaareedkan iyaga oo ciyaari doona 8 kulan isla markaas la ciyaaraya 4 kooxood oo ka kala socda Pot-yada kala duwan ee uu ka koobanyahay tartankau.
Maadama UEFA ayna ogolayn in ay kooxaha isku dalka ah isku arkaan heerka hore kooxda Arne Slot waxay ka fogaan doonaan kulamo la dheeli doonaa kooxaha sida Chelsea, Manchester City, iyo sidoo kale Arsenal, Tottenham Hotspur, iyo Newcastle United.
Reds ayaa wajahaya kulamo xiiso leh. Liverpool waxay la ciyaari doonaan labo kooxood oo ka mid ah Real Madrid, Bayern Munich, Inter Milan, Borussia Dortmund, Barcelona, iyo PSG.
Be the first to comment