Halyeeyga kubadda cagta Argentina, Lionel Messi, ayaa muujiyey farxaddiisa kaddib markii la guddoonsiiyey abaalmarinta Princess of Asturias ee qaybta ciyaaraha sannadka 2026, taas oo lagu qabtay magaalada Oviedo ee dalka Spain, masraxa Campoamor.
Xiddiga Inter Miami ayaa farriin uu ku baahiyey bartiisa Instagram ku sheegay inuu sharaf weyn u arko helitaanka abaalmarintan, isaga oo hambalyo u diray dhammaan dadkii kale ee ku guuleystay abaalmarinnada.
Messi ayaa sidoo kale u mahadceliyey hay’adda Princess of Asturias, isaga oo xusay in abaalmarintani macno weyn u leedahay, marka la eego qiimaha iyo doorka ay hay’addu ku leedahay bulshada. Wuxuu intaas ku daray inuu si weyn ugu mahadcelinayo dhammaan dadkii u muujiyey jacaylka iyo taageerada.
“Waqti dheer ayaa laga joogaa booqashadaydii ugu dambeysay ee aan halkan ku imid, waxaana aad ugu riyaaqay waayo-aragnimadan,” ayuu Messi ku yiri farriintiisa, isaga oo ugu dambeyn salaam iyo habsiin u diray dhammaan dadkii uu la kulmay.
Abaalmarinta Princess of Asturias ayaa la siiyaa shaqsiyaadka ama hay’adaha sameeya guulo waaweyn oo wax ku biiriya horumarinta ciyaaraha iyo qaybaha kale ee bulshada.