4 Kooxood Oo Markii Ugu Horaysay Ka Qayb Gali Doona Champions League Xilli Ciyaareedkan.

Waxa jiri doona 4 kooxood oo ku cusub champions League xilli ciyaareedkan marka la samayn doono isku aadka maalinta khamiista.

Pafos FC oo ka socota Qubrus iyo Bodo/Glimt oo ka socota Norway ayaa ku soo galay Champions League-ka markii ugu horeysay, kadib guulaha ay ka gaadheen kulamadii is reeb-reebka.

Pafos, oo la aasaasay kaliya 11 sano ka hor, ayaa 1-1 la galay kooxda Red Star Belgrade, iyadoo ay ku guuleysteen 3-2 guud ahaan, taasoo ka dhigtay in ay si cajiib ah u soo baxaan wareega Champions League.

Bodo/Glimt ayaa ku soo baxay kadib guul 6-2 ah oo ay ka gaareen kooxda Austria ee Sturm Graz inkasta oo ay guuldaro kala kulmeen lugtii 2-aad.

Kooxahan waxay kula biiri doonaan wareega champions League kooxda Union Saint-Gilloise oo ka socota Belgium iyo Kairat Almaty oo ka socota Kazakhstan.

Kairat ayaa noqotay kooxda labaad ee Kazakh ah ee soo baxda tan iyo Astana oo soo baxday sanadkii 2015.

Be the first to comment

Dhiibo Fikirkaaga