Ka Hor Kulanka Liverpool Vs City : Wax Ka Ogoow Xog Muhiim Ah Oo Ku Jirta Kulanka.

Kooxda Liverpool iyo Man City ayaa ku balansan kulan qeyb ka ah wareegga 34-aad ee horyaalka Ingriiska kaasi oo ka dhacaya garoonka Anfild , waana kulan lagu ogaanayo kooxda xilli ciyaareedkaan qaadi karta horyaalka Ingiriiska .

Liverpool ayaa haatan hogaanka ku haysa 74-dhibic waxaan ku soo xigta Chelsea oo leh 72 halka Man City ku jiraan kaalinta 3-aad iyaga oo leh 70 dhibic xilli ciddii badisa labadaan koox ay si weyn ugu dhawaanayaan in ay qaadaan horyaalka Ingiriiska .

Hadaba kooxda.com ayaa dhinacyo kala duwan ka eegeysa xog ku jirta kulankaan adag ee Liverpool iyo Man City .

* Liverpool waxaa u suura gashay in ay ka badiyaan 7-da koox ee ugu horeeya horyaalka xilli ciyaareedkaan ee ay kula yeesheen garoonka Anfield , waxa ayna kulamadaas ku dhaliyeen 14 gool halka iyana ay qaabileen kaliya hal gool.

*Man City kaliya hal guul ayay ka keeneen 16-koodii kulan ee ugu dambeeyay ee ay ku ciyaareen Anfield , 5 kulan bar bar dhac ayay galeen 10-kulanna waa laga badiyay

* Liverpool iyo Man City waa labada koox ee xilli ciyaareedkana ugu gool dhalinta badan , Liverpool 90 gool ayay dhaliyeen halka Man City dhaliyeen 84 gool.

* Liverpool waxa ay dhaliyeen xilli ciyaareedkaan 90 gool oo horyaalka Ingiriiska ah , kaliya hal koox ayaa sameeysay in ay dhaliyaan in ka badan goolashaas waana Man City oo xilli ciyaareedkii 2011/2012-dii dhalisay 93 gool.

* Kulankaan waxaa ku kulamaya ciyaartooyda ugu badan ee dhaliya goolasha rigoorooyinka ah iyo Free Kick-yada ee xilli ciyaareedkaan waana kabtan Gerrarad oo laba 12 gool oo rigoore ah dhaliyay halka Yaya Toure uu dhaliyay 10- gool oo Free Kick ah.

* Sergio Aguero waxa uu sugayaa kulankaan si uu uga dhaliyo goolkiisii 7-aad oo uu banaanka garoonka City ku soo dhaliyo .

* Gerrard waxa uu kulankaan soo galayaa isaga oo ah gool sameeyaha ugu badan ee sameeya goolasha iyadoo xilli ciyaareedkaan uu sameeyay 7 gool.

 

 

 

 

 

 

Share on Facebook

Fikirkaada Ku Dhiibo Facebook